Giawhag ni Presidential Communications Operations Office (PCOO) Secretary Martin Andanar ang youth sector ug mga religious leader sa lalawigan sa pagtabang aron mapalapnag ang hustong impormasyon mahitungod sa vaccination program sa kagamhanan.
Atol sa iyang pagbisita sa buhatan ni Cong. Divina Grace Yu adlaw nga Lunes, Pebrero 15, gikahinabi ni Andanar ang pipila ka mga SK officials ug interfaith leaders aron ipaambit ang strategy ug roadmap alang sa COVID-19 vaccines.
Ang pagduaw ni Andanar sa Pagadian City kauban si Usec Ramon Cualoping III kabahin sa #ExplainExplainExplain campaign sa ahensya aron mas malamdagan ang publiko sa mamahimong implementasyon sa pagbakuna.
Gidasig sa PCOO chief ang nasangpit nga sektor nga mahimong kaabag sa pagsabwag sa lehitimo ug hustong kasayuran aron mapakgang ang fake news ug mahatagan og giya ang katawhan mahitungod sa bakuna nga pagagamiton sa health department.
Sa pamulong ni Usec Cualoping atol sa ‘Pagdu-aw sa Pagadian’ program, gipahayag niini ang pasalig sa national government alang sa luwas, epektibo ug libre nga bakuna para sa katawhang Pilipino.
Nasayran nga migahin ang kagamhanan og P80-90 bilyones alang sa 148million doses sa vaccine nga iapod-apod sa priority sectors.
Gipasalamatan usab ni Andanar si Presidente Rodrigo Duterte sa iyang determinadong pagdumala ilabina na sa pag-address sa COVID-19 situation sa nasud.
Dugang pa sa kalihim nga nagpabiling komitado ang national government sa saad niini nga padayong mahimong produktibo ug proactive aron masiguro ang makiangayong pagpatuman sa mga programa sa gobyerno.
#VictoryZamboangaDelSur #TinuodNgaSerbisYu #ExplainExplainExplain
