Nahimong malampuson ang usa ka adlaw nga symposium sa mga kaigsuonang ulama ug asatidz ilawom sa Bangsamoro Provincial Coordinating Council, adlaw nga Martes nga gipahigayon sa Subanen Hall, Provincial Government Complex, Dao, Pagadian City.
Dala ang tema nga “BPCC: Advocating People: Expediting Religious, Political, Social Awareness and Responsibility, gituki sa maong kalihukan ang kahibalo may kalabutan sa sosyal, politikal ug relihiyosong katungdanan sa katawhang Bangsamoro sa Zamboanga del Sur.
Sa maong aktibidad, gihisgutan sa mga ulama (Muslim scholars) ug asatidz (Muslim teachers) uban ang mga kadagkoan sa BPCC ang ilang pagbati sa mga isyu nga gikaatubang sa ilang komunidad sama sa edukasyon, peace and order ug mga oportunidad sa panginabuhian.
Sa maong mga butang usab nakasentro ang mensahe ni Gov. Victor J. Yu ug Deputy Speaker Cong. Divina Grace Yu nga milatag sa mga programa ug proyekto sa kasamtangang administrasyon.
Sumala ni Cong. Yu, hatagan nila ug pagtagad ang kahimtang sa edukasyon ilabina sa mga eskwelahan o madrasah sa katilingbang Bangsamoro.
Gipresentar usab ni Gov. Yu ang maayong pagdumala niya sa pondo sa probinsya aron mahatag ang saktong serbisyo sa katawhang Zambosurian.
Pahayag sa amahan sa lalawigan, giusab niya ang sistema sa pagdumala sa probinsya pinaagi sa pagmugna og mga inisyatiba alang sa kaayuhan ug kalambuan.
Gisaysay sa gobernador ang organisadong COVID-19 response, konkretong kadalanan, pagpalit ug mga heavy equipment, pag-improbar sa serbisyong medikal, paglusad og free-wifi sa kabarangayan, ug pag-arangkada sa agricultural ug livelihood programs.
Sa katapusan, giawhag ni Gov. Yu ang tanan nga mahimong ka-partner sa kalinaw ug kalambuan sa Zamboanga del Sur pinaagi sa diwa sa panaghiusa ug pagtinabangay.
#VictoryZamboangaDelSur #TinuodNgaSerbisYu
