GIPAHAYAG ni Zamboanga del Sur Gov. Victor J. Yu nga dakog kahimoan ang pag-abot sa bakuna kontra COVID-19 alang sa pagbangon sa ekonomiya sa rehiyon ug sa nasud.
Atol sa pinakaunang adlaw sa vaccination roll-out sa Zamboanga del Sur Medical Center, gipadayag sa gobernador ang iyang kalipay nga nasugdan na ang pagbakuna ilabina sa mga frontliners sa hospital nga maoy taas og risgo sa COVID-19.
Sumala ni Gov. Yu nga kung dunay kulang sa bakuna, andam nga moabaga ang probinsya aron lamang matuman ang vaccination plan.
Gihinumdoman usab niya ang kaabtik ug maayong pagdumala sa sa provincial government sa COVID-19 crisis sukad sa pagbuto sa pandemya, ang pagmugna sa task force ug ang pagtukod sa molecular laboratory. Gipasalamatan usab sa amahan sa lalawigan ang Department of Health tungod sa walay puas niining pagsuporta sa Zamboanga del Sur.
Sa laing bahin, gidayeg ni Deputy Speaker Cong. Divina Grace Yu ang Duterte administration sa paggahin niini og pondo para sa bakuna. Gikonsiderar sa kongresista nga malampuson ang kagamhanan sa pagkuha sa kompyansa sa katawhan nga magpabakuna tungod sa pagpaningkamot sa health department of national task force.
Si Dr. Joshua Brillantes, Regional Director sa DOH, nagkanayon nga dako ang iyang pagsaludo sa mga personahe sa Zamboanga del Sur Medical Center sa nahimo niining mga paningkamot aron i-handle ang epekto sa pandemya. Dugang pa niya nga angay lamang nga prioridad ang mga health workers aron dili maundang ang operasyon sa mga hospital.
Gipahibalo usab sa director nga dunay laing batch sa bakuna nga maabot sa Zamboanga del Sur ning musunod nga semana alang sa mga private ug military hospital.
#VictoryZamboangaDelSur #TinuodNgaSerbisYu
