NIDAWAT og cash ug relief packs ang 22 ka mga senior citizens atol sa gipahigayong ceremonial release of assistance adlawng Huwebes sa Executive Function Hall, Provincial Capitol Grounds, Pagadian City.
Pasiuna pa lamang kini sa kinatibuk-ang 264 ka mga beneficiaries sa kalungsuran nga makadawat usab sa maong ayuda gikan sa provincial government.
Ang pag-apod apod sa cash ug relief goods gitambongan ni Gov. Victor J. Yu, Provincial Social Welfare Officer Ermilinda Bacatan, ug mga kawani sa buhatan sa PSWDO.
Sa maong programa gipadayag ni Gov. Yu nga usa ang mga senior citizens sector nga hatagan og pagtagad ilabina sa natad sa medical services. Labot niini, subli niyang gipresentar ang mga libreng serbisyong panglawas sa probinsya partikular sa Zamboanga del Sur Medical Center diin lakip ang mga senior citizens nga makabenepisyo niini. Sumala niya nga dugangan pa ang mga ayuda nga ihatag sa mga senior citizen sa sunod nga panahon.
Mapasalamaton kaayo ang mga senior citizens nga nakadawat sa ayuda gikan sa kagamhanang probinsyal.
Si Edilberta Ytang, 68 anyos, residente sa Brgy. Gumamela, Pagadian City, nagpaabot sa iyang pagpasalamat kang Gov. Yu tungod sa paglantaw niini sa mga sama niya nga pangedaron.
Nalipay usab si Julackmad Jadjole, 60 anyos, residente sa Brgy. Santiago, Pagadian City sa hinabang nga iyang naangkon nga makatabang sa iyang pang-adlaw-adlaw nga panginahanglan.
#VictoryZamboangaDelSur #TinuodNgaSerbisYu
