MIREPRESENTAR sa Pilipinas si Deputy Speaker Cong. Divina Grace Yu sa bag-ohay pa lamang nga virtual Parliamentary Forum on Small Arms and Light Weapons nga gipasiugdahan sa ASEAN Inter-Parliamentary Assembly kun AIPA.
Host sa maong conference si Miss Nguyen Tuong Van, Secretary General sa ASEAN Inter-Parliamentary Assembly ug si Miss Karin Olofsson, Secretary General of the Parliamentary Forum on SALW.
Tumong sa regional webinar nga madungog ang tingog sa mga babayeng parliamentarian sa ASEAN region ug aron matuki ang mga rekomendasyon isip pagpangandam sa umaabot nga Biennial Meeting of States sa Hulyo alang sa United Nations Programme of Action to Prevent, Combat, and Eradicate the Illicit Trade in Small Arms and Light Weapons in All Its Aspects.
Atol sa maong kalihukan, gipaambit sa kongresista sa unang distrito sa Zamboanga del Sur ang mga lakang nga gihimo sa nasud sa Pilipinas kabahin sa gihisgotang aksyon batok sa illegal nga pamatigayon sa small arms and light weapons.
Sumala sa mensahe nga gipadangat sa kongresista sa maong forum, komitado ang Pilipinas sa pagkab-ot sa usa ka malinawon ug luwas nga komunidad nga gawasnon sa hulga sa kabangis, ug nag-ila sa importansya sa pagwagtang niining mga ilegal nga armas lakip ang pagpamaligya niini – usa ka butang nga nakatampo sa pag-antos sa katawhan ug naghatod og ‘instability’ sa rehiyon.
Ang nasangpit nga online conference sinugdanan pa lamang sa daghan pang sunod-sunod nga webinars isip kabahin sa United Nations Office on Disarmament Affairs (UNODA) partikular ang Trust Facility Supporting Cooperation on Arms Regulation kun UNSCAR.
#VictoryZamboangaDelSur #TinuodNgaSerbisYu
