Padayon nga gasaulog karon ang Probinsya sa Zamboanga del Sur sa Women’s Month, ang bulan nga gigahin alang sa mga kababayen-an. Gani kada semana, adunay kalihukan sa Megayon Stage aron hatagan ug pasidungog ang nagkalain laing hiyas sa atong mga kababayen-an ubos sa pagdumala ni Governor Victor Yu ug sa tabang suporta sa atong inahan sa probinsya nga si Deputy Speaker Congresswoman Divina Grace Yu.
Isip tipik ug kabahin sa maong kasaulogan, migahin usab ug usa ka special nga adlaw ang Probinsya para sa mga Kababaehang may Kapansanan nga mao ang March 29,2021 isip “Women with Disability Day” pursuant to Proclamation # 744, 2004.
Ang Women with Disability Day, usa kini ka adlaw nga gigahin para sa mga kababayen-an nga adunay kapansanan aron mu-undergo sila sa libreng Papsmear Test dinha sa atong Women’s Center for Health aron sila mahilikay usab sa mga sakit nga pwedeng mutakboy sa kababayen-an.
Boot sa atong halangdong Gobernador nga mahatagan gayud ang mga women with disability ug igong pagtagad ug pag-amoma labi na karon nga anaa kita sa pandemya. Busa nagtinabangay ang buhatan sa Provincial PWD Affairs Office ug ang Zamboanga del Sur Medical Center aron mapatuman gayud ang mando ni Governor nga “no one should be left behind”.
Kalakip niana, nagapadayon sa gihapon ug panghatag apud-apod ug mga pills ug ferrous sulfate ang buhatan sa Provincial PWD Affairs Office ngadto sa kabukiran ug mga lagyong kabarangayan aron lamang mahatagan ang tanang kababayen-an nga nanginahanglan niini. Ingon ana kadako ang gugma ug pagpangga sa atong Amahan ug Inahan sa Probinsya para sa Women with Disability. This is the first of its kind Kay wala kini sukad mahitabo sa mga nilabay nga administrasyon.
#VictoryZamboangaDelSur #TinuodNgaSerbisYu
