Hingpit nang na rehistro sa COMELEC sa lungsod sa Guipos partikularminti sa barangay Poblacion ang Youth Movement President sa lalawigan ug ingon man Governor’s Daughter nga si Victoria Yu. Kini sukwahi sa mga nikaylap nga balita kaniadto nga dugay na siyang na rehistro sa lungsod sa Dumalinao. Sa maong pagparehistro nahimong mga saksi ang mga kasamtangang mayor sa segundo distrito, Deputy Speaker Divina Grace Yu ug ingon man si Gov. Victor Yu.
Sumala pa niya nga isip youth leader andam siyang mutabang sa mga nanginahanglan ug abri ang iyang panimalay alang sa mga katawhan sa nasangpit nga lungsod nga gustong muduol kaniya lakip na ang mga kasikbit niini.
Dugang pa sa maong youth leader nga gipili niya ang lungsod sa Guipos isip maoy mahimong pinuy-anan tungod kay mao kini ang gusto sa gobernador kaniadto pa kay gusto niini nga mahimong agricultural hub ang nasangpit nga lungsod. Gisaad niya nga iyang buhaton kung unsa ang iyang makaya aron nga mahitabo ang maong plano.
Gradwado si Victoria Yu sa kursong Agriculture sa UP Los Baños ug dako kinig matampo sa planong Agriculture Hub ug sa pagpalambo sa industriya sa pagpanguma sa lungsud sa Guipos ug lakip na sa tibuok segundo distrito.
Nagpasalamat ang maong youth leader ngadto sa mga mayor sa lungsod sa ikaduhang distrito sa ilang mainitong pagdawat kaniya isip residente sa nasangpit nga distrito.
#VictoryZamboangaDelSur #TinuodNgaSerbisYu
