GIAWHAG ni Deputy Speaker ug 1st District Cong. Divina Grace Yu ang mga kabataan sa Zamboanga del Sur nga suportahan ang mga programa sa kagamhanan alang sa ilang benepisyo aron mahimong instrumento sa positibong kausaban sa katilingban ug alang sa kalinaw ug kalambuan.
Kini mao ang sentro sa mensahe sa kongresista atol sa gilusad nga Youth Leadership Summit (YLS) 2021 nga gipahigayon sa 1st Infantry “TABAK’ Division headquarters, Kuta Major Cesar L. Sang-an, Upper Pulacan, Labangan, Zamboanga del Sur adlaw nga Lunes.Samtang si ZDS Youth Movement Chairperson Victoria Yu mipasabot usab sa topic kalabot sa papel sa mga batan-on sa pagpundar ug pagpalig-on sa nasudnong kaayuhan.
Dala ang tema nga “Empower the Digital Youth: Cultivate Servant-Leadership and Signature Strengths Toward a Peaceful and Progressive Zamboanga del Sur”, gisugdan ang 2 ka adlaw nga aktibidad sa managsunod nga lecture nga naghisgot labot sa maayong pagkalungsoranon lakip na ang pagpalambo sa leadership skills sa mga kabataan taliwala sa giatubang nga mga hagit sa kasamtangang panahon ilabina ang COVID-19 pandemic.
Mokabat sa 166 ka mga participants ang miapil sa pinakaunang batch nga mipailawom sa training. Nasayran nga 34 ka batch kun sobra 6,000 ka participants gikan sa lain-laing lungsod sa Zamboanga del Sur ang gikatakdang mosalmot sa maong leadership training.
Ang mga aktibidad sa YLSDS 2021 gipangunahan ni 1ID Assistant Division Commander Brig. Gen. Bagnus Gaerlan Jr., Lt. Col. Jo-Ar Herrera, 53IB Logistics Officer 1Lt. Jerick Christian Papa kaabag ang 1st Civil-Military Operations “MAHIGALAON” Battalion, 1st Field Artillery “BEAT ‘EM” Battalion, ug 1st Cavalry “TAGAPANGUNA” Battalion.
#VictoryZamboangaDelSur #TinuodNgaSerbisYu
