NAPULO ka mga OFW Associations sa tibuok Zamboanga del Sur ang midawat og cash grant gikan sa Overseas Workers Welfare Administration (OWWA) ilawom sa programang Tulong PUSO kun Tulong Pangkabuhayan sa Pag-unlad ng Samahang OFW’s.
Adlawng Biernes, gipahigayon ang awarding ceremony sa Maguindanao Hall, Provincial Government Complex, Dao, Pagadian City nga gitambongan sa recipient OFW groups sa probinsya.
Si Maricris S. Abastas, Family Welfare Officer sa OWWA Region 9 nagkanayon nga sa tibuok Zamboanga Peninsula, 11 lamang sa OFW associations ang ni-qualify ug makadawat sa tabang pinansyal diin nag-una niini ang napulo gikan sa Zamboanga del Sur ug usa ang gikan sa Zamboanga del Norte.
Ang mga midawat sa cash grant mao ang mosunod:
• Poblacion Overseas Filipino Workers Association sa Poblacion, Dinas, Zamboanga del Sur
• Don Jose Overseas Filipino Workers Association sa Don Jose Dinas, Zamboanga del Sur
• Liargonon Uno (1) OFW Association sa Ramon Magsaysay, Zamboanga del Sur
• Molave Seafarers Association sa San Jose Mahayag, Zamboanga del Sur
• Tambulig OFW Association sa Poblacion, Tambulig, Zamboanga del Sur
• Mahayag Lighthouse OFW Association sa Poblacion, Mahayag, Zamboanga del Sur
• Molave Mix OFW Association sa Poblacion, Sominot, Zamboanga del Sur
• Sto. Nino Du Association sa Sto. Nino, Pagadian City
• Mid-East OFW Association sa Poblacion, Dimataling, Zamboanga del Sur
• POGA Double B Association sa San Pedro, Pagadian City
Atol sa maong programa, gidasig ni Deputy Speaker Cong. Divina Grace Yu ang mga benepisyaryo sa pagpalambo sa ilang gitukod nga mga negosyo gamit ang gitaganang financial assistance gikan sa national government pinaagi sa OWWA. Si Gov. Victor J. Yu mipaabot usab sa iyang kalipay sa nadawat nga cash grant sa napulo ka kapunungan sa mga overseas workers sa probinsya. Tambag sa gobernador nga pahimuslan ang maong programa aron sa maayong patigayon aron makatabang sa ilang panginabuhian.
Ang Tulong PUSO Program usa ka reintegration project nga gimugna sa OWWA aron mogahin ug cash assistance alang sa mga overseas workers pinaagi sa ilang kooperatiba o asosasyon. Laraw niini ang paghatag og gikinahanglang kapital, raw materials, tools ug equipment ug suporta ngadto sa mga mopasar nga organisasyon subay sa requirements sa ipasubmitar sa ahensya.
#VictoryZamboangaDelSur #TInuodNgaSerbisYu
