LIBOAN ka mga benepisyaryo gikan sa mga kalungsuran ang nidawat og ayudang pinansyal nga tig-tresmil (P3k) ka pesos ilalom sa programang Assistance to Individual In Crisis Situation (AICS) pinaagi ni President Rodrigo Duterte ug Senator Bong Go.
Lakip sa mga nakadawat na sa maong hinabang karong semanaha mao ang Pitogo, Lapuyan, Dimataling, Dinas ug Labangan diin miangkon og tig-1,500 ka beneficiaries matag lungsod.
Gitambongan mismo ni Governor Victor Yu ug CongW. Divina Grace Yu ang maong pagpanghatag sa cash assistance kauban si Vice Governor Roy Ariosa, mga Board Members, mga mayor sa lungsod ingon man ni DSWD ASec Jade T. Jamolod ug uban pang mga personahe sa DTI, TESDA, DOH, ug DA.
Mokabat sa P4.5 Million nga pundo gikan sa pangagamhanang nasyonal ang naapod-apod sa maong mga benepisyaryo’ng labing apektado panahon karong pandemya sa mga lungsod.
Nagpadayag ug dakong pagpasalamat ang amahan sa probinsya sa mapadayonon nga suporta ug pagpangga ni Senator Bong Go ug Presidente Rodrigo Duterte sa mga Zambosurians taliwala pa man sa gisagubang nga krisis.
Ang mga benepisyaryo naglangkob sa mga tricycle drivers, event personnel (photographers, videographers, make-up artists, dressmakers, choreographers, carenderia and sari-sari operators ug ambulant vendors diin mapasalamaton kaayo sila ngadto sa mga lideres sa pangagamhanang nasyonal, inubanan sa suporta sa administrasyong YU sa ilahang nadawat nga mga vitamins ug food subsidy nga dakog ikatabang kanila sa ilang pang-adlaw-adlaw nga panginahanglanon.
Adlawng Biernes, dayag ang kalipay sa mga benepesyaryo sa Labangan nga maoy unang naabtan sa maong programa sa Unang Distrito nga gipahigayon sa hamugaway nga function hall sa nasangpit nga lungsod.
#VictoryZamboangaDelSur #TapangAtMalasaki #PRRD #AICS #BongGo #MrMalasakit
