Zamboanga del Sur – Mokabat sa 6,220 doses sa Janssen COVID-19 vaccine nga gama sa Johnson & Johnson ang nahidangat na sa mga sa probinsya ug iapod-apod sa mga RHU sumala sa kumpirmasyon ni IPHO Head Dr. Anatalio Cagampang Jr. adlawng Martes.
Ang maong alokasyon sa bakuna naggikan sa Department of Health Regional Office 9 ug i-distribute sa baynte sais (26) ka lungsod aron mapadayon ang vaccination roll-out sa mga local government units. Sumala ni Dr. Cagampang nga ang maong pahat nga gideliver sa mga RHU igahin alang A2 ug A3 priority groups nga wala pa makapabakuna.
Sa tanang klase sa bakuna, ang Janssen vaccine lamang ang iturok nga single-dose, dili sama sa ubang bakuna nga kinahanglang kumpletohon ang duha ka doses. Subay usab sa pagtuon, napamatud-an nga taas og efficacy batok sa bag-ong delta variant ang nasangpit nga bakuna.
Kahinumduman nga ning milabay nga Sabado miabot sa Pilipinas ang 1.6milyones doses sa ‘single-shot’ vaccines nga Johnson & Johnson nga gidonar sa Amerika pinaagi sa COVAX facility.
#VictoryZamboangaDelSur #WeHealAsOne #TinuodNgaSerbisYU
