GIDAYEG ni Governor Victor Yu ug Deputy Speaker Cong. Divina Grace Yu ang mga kausaban ug kalambuan sa Labangan atol sa simpleng selebrasyon sa ika-72 nga pagkapundar sa maong lungsod adlawng Martes, Hulyo 20.
Sa pagpamulong ni Governor Victor J. Yu sa usa ka programa nga gipahigayon sa ilang Municipal Government Center, gipadayag sa amahan sa lalawigan ang iyang pag-abiba sa lokal nga pangagamhanan sa pagpangulo ni Mayor Eduardo Relacion tungod sa mga nahimo niining proyekto ug programa nga nagpausab sa dagway sa Labangan.
Sumala ni Gov. Yu nga grabe ang ilang suporta ni Cong. Yu sa administrasyon ni Mayor Relacion tungod sa kaabtik niini sa pagpatuman sa mga kaayuhan nga gikan sa national ug provincial government.
Gisaysay ni Gov. Yu ang mga infrastructure projects sa gibubo sa Labangan sama na lamang sa halapad nga kadalanan nga nagdugtong sa mga barangay ug lungsod. Lakip usab sa gidayeg sa gobernador ang iyang pagkatukod sa multi-purpose building sa lungsod diin maoy nahimong bag-ong nahimutangan sa municipal government ug giisip nga usa sa nahimong legasiya ni Mayor Relacion.
Gibutyag usab ni Gov. Yu ang mga umaabot nga proyekto nga pagatukuron sa Labangan sama sa gisugdan na nga Provincial TESDA Training Center, ang proposal para sa tulonghaan sa WMSU ug ang gisugyot nga Bagsakan Center sa Department of Agriculture nga ipabutang sa Brgy. Bulanit.
Si 1st District Cong. Divina Grace Yu mipaabot usab sa iyang pagdayeg sa mga nakab-ot nga kauswagan sa Labangan. Sumala niya nga dako na og kalainan ang peace and order situation sa lungsod tungod sa pagsuporta ug panaghiusa sa katawhan. Ang uban pang mga proyekto nga natagamtagaman sa lungsod mao ang highway streetlights, dugang commercial buildings, ang mga barangay support programs ug nagkalain-laing ayuda gikan sa mga national government agencies.
Karong tuiga, ang ika-72 nga Araw ng Labangan nagdala sa tema nga “Luyo sa krisis sa pandemya, katawhan sa Labangan nagkahiusa”. Kini usa ka dakong testamento sa naangkon nga kalambuan sa lungsod pinaagi sa kooperasyon ug pagtinabangay sa katawhan taliwala sa giatubang nga COVID-19 pandemic.v
#VictoryZamboangaDelSur #TinuodNgaSerbisYU
