NANUMPA ang 6 ka miembrong masa sa New Peoples Army atubangan ni Governor Victor J, Yu, bag-ohay pa lamang alas 3:00 sa hapon Hulyo 11, 2021 sa ZMS Building, Pagadian City.
Nigawas nga boluntaryong mipresenta ang unom ka lumilihok sa walhong grupo nga mitahan sa ilang kaugalingon aron pamatud-an ang ilang baruganan nga mosuporta sa kagamhanan sa Pilipinas pinaagi sa pagpanumpa atubangan sa labing labaw nga opisyal sa lalawigan, Gov. Yu.
Naglangkob ang unom ka personahe nga puros taga Barangay Sinunuc, Dumingag, ZDS paingon sa Saad sa Zamboanga del Norte. Tulo kabuok ang edaran nga mga babaye ug duha ka batan-ong lalaki ug usa ka edaran nga lalaki ang mga mitahan.
Asigun sa natalang impormasyon gikan sa militar ug kapulisan kining mga indibidwal maoy responsable sa napahigayon ug mga rally sa dakbayan sa Pagadian kaniadtong 2017 ug anaa nakalista sa watchlist sa awtoridad.
Gituyo kini ug gama nga grupo sa NPA aron modasig og modani sa sama kanila mga Indigeneous Peoples kon IPs aron mosuporta sa kalihukan pinaagi sa pag-organisa ug pagrally.Tugbang kini sila sa mga armadong hut-ong sa kalihukan nga gitahanasang maglihok sa urban area.
Matud pa sa isa ka edaran nga miembro niini nga si alyas Bebing nga gikapoy na siya mao nga milie-low siya human niadtong rally kaniadtong tuig 2017, gani mipadayag ang usa ka kauban niini mga si alyas Bina sa iyang pagsuporta sa kasamtangang administrasyon ni Gov. Yu.
Misaksi sa maong pagpanumpa si ZDS Provincial Director PCol Ruel Lamiing ug ni Lt Rey Mira, Deputy Speaker Congresswoman Divina Grace Yu, mga kapulisan ug konsehal ug SSFO municipal coordinator sa Dumingag, ZDS.
Kasagarang giyawit sa mga misurrender ang pagkakapoy sa pagsuporta sa mga rebeldeng kalihukan ug maayong kaugmaon sa ilang mga anak maoy ilang damgo. Pakyas usab ang mga gisaad sa mga rebeldeng grupong NPA.
#VictoryZamboangaDelSur #TinuodNgaSerbisYU
