Mokabat sa 1.2Milyones nga Bangus Fry ang gibuhian sa fishpond adlawng Martes, nga anaa makita sa Barangay Dimasangca, Labangan, Zamboanga del Sur.
Ang maong mga similya sa bangus gikan sa Bureau of Fisheries and Aquatic Resources ubos sa inisyatiba sa Provincial Government pinaagi ni Gov. Victor Yu. Kini libreng itagana sa mga nang-iya og fishpond sa probinsya nga gustong magbuhi og bangus aron makadugang sa ilang income.
Nakadawat usab sa maong adlaw og bahin ang lungsod sa Dimataling nga ming-adto mismo sa Labangan aron makakuha og bangus fry aron iapod-apod usab ngadto sa ilang mga fisherfolks.
Ang maong pag-apod apod sa fingerlings kabahin sa programang agrikultural ni Gov. Victor Yu ug Deputy Speaker Cong. Divina Grace Yu aron mapalambo ang kahimtang sa mga fishpond owners ug operators sa lalawigan.
Matud pa ni Gov. Yu nga malipay siya makakita ug makadungog nga maka-income ang mga mahatagan sa similya sa bangus.
Dugang pa ni Punong Barangay Margani Padido Dimasangca, nagpasalamat siya sa amahan sa lalawigan nga ang iyahang barangay maoy usa sa nahimutangan sa Aqua-Culture nga nakahatag og benipisyo sa mga katawhan sa ilang lugar.
#VictoryZamboangaDelSur #TinuodNgaSerbisYU
