PAGADIAN CITY – Saisenta y singko (65) ka OFW beneficiaries gikan sa Zamboanga del Sur ang midawat og tseke gikan sa Overseas Workers Welfare Administration kun OWWA adlawng Martes sa Executive Function Hall, Provincial Capitol, Pagadian City.
Ang maong aktibidad gitambongan ni Regional Director Ron Lionel Bartolome, Gov. Victor Yu ug Deputy Speaker Cong. Divina Grace Yu.
Sumala ni Maricris Abastas, Family Welfare Officer sa OWWA, ang mga midawat sa financial aid mao kadtong mga overseas workers nga naka-avail sa pito (7) ka programa sa ahensya.
Lakip sa mga nakadawat sa benepisyo mao ang 33 ka recipients sa Balik-Pinas, Balik-Hanap Buhay Program, 24 ka recipients gikan sa 3 ka asosasyon sa Tulong Puso Program, 4 sa Welfare Assistance Program ug tag-usa ka beneficiary sa Project EASE, Project AGAPAY, NRCO LDAP, ug social benefits.
Mokabat sa P761,400 ang kinatibuk-ang kantidad nga giapod-apod sa OWWA ngadto sa nasangpit nga OFW’s.
Atol sa maong kalihukan, mihatag sa ilang mensahe si Governor Yu ug Deputy Speaker Yu isip pagtimbaya sa mga OFW’s nga maoy gikonsiderang mga bag-ong bayani sa atong kapanahunan.
Dako ang kalipay sa mga overseas workers nga midawat sa ilang tseke nga magamit nila sa ilang itukod nga patigayon ug panginabuhian.
DAGHANG SALAMAT PRESIDENTE RODRIGO DUTERTE! 
#VictoryZamboangaDelSur #TinuodNgaSerbisYU
