MIKABAT og 26 ka mga indibidwal ang misalmot sa ika-3 nga libreng “Mobile Journalism Seminar & Carreer Guidance for Job Seekers kagahapong adlawa, Agosto 5, nga gipahigayon sa Balay Bisaya, Provincial Government Complex, Dao, Pagadian City.
Milungtad ug lima (5) ka oras ang maong seminar nga gipasiugdahan sa Provincial Press Bureau.
Sama sa milabayng duha ka batch sa nasangpit nga seminar, gituki sa tulo ka mga speakers: Assitant Information Officer Marlon Pañares, Genmar Pulmano ug Ameliano Himang ang mga topiko kalabot sa basic newswriting, social media ethics, mobile Journalism & shooting tips, Data Privacy Law, Cyber Law ug proper job seeking techniques.
Napasahi ang maong seminar tungod sa pagpaambit sa anak ni Mhel Himang nga si Clarice Sophia Himang, kinsa dako ug kasinatian sa news writing ug kasamtangang psychology student sa Xavier University sa Cagayan de Oro City.
Mihatag usab ug mensahe si Provincial Information Officer Jeesrel Himang kinsa mipaabot sa mensahe ni Gov. Victor Yu kalabot sa mga proyekto nga kasamtangan gipatuman sa mga kalungsuran.
Nasayran nga gipaluyuhan ni Gov. Yu ug D.S. Congw. Divina Grace Yu ang nasangpit nga seminar.
Ang maong seminar gipahigayon matag adlawng Huwebes sa Executive Function Hall sa may 8:00 ang takna hangtud als 2:00 sa hapon.
Makaplagan ang google form sa Victory Zamboanga Del Sur FB page alang sa mga buot mosalmot sa maong seminar nga dili lamang libre ang snacks ug paniudto, aduna pa gyuy “certificate of partipation nga madawat ang tanang mosalmot niini.
#VictoryZamboangaDelSur #TinuodNgaSerbisYU
