Mikabat sa 54 ka mga benepisyaryo ang unang batch nga mitambong sa Special Program for Employment of Students Orientatiom nga gipahigayon sa conference hall sa Zamboanga Motors Supply Building, RIzal Ave. Pagadian City adlawng Mierkules, Agosto 4, 2021.
Unang mipatin-aw ug nagpasabot ang focal person sa SPES sa Department of Labor & Employment nga si Ms. Maribel Ramos. Iyang gipaabot ngadto sa mga estudyante nga gikinahanglang nga konektado sa ilang kurso ang ilang pagatrabahuan sulod sa 20 ka adlaw.
Nasayran nga niining tuiga, tungod sa pandemya ang mikomitar nga modawat sa mga estudyante nga nagpailawom niining programa mao ang kagamhanang probinsyal sa Zamboanga del Sur.
Matud pa ni Ms. Ramos nga mahimo usab nga modawat ang mga pribadong mga kompanya apan wala kini tuguti tungod sa kapeligro sa Covid-19.
Matud pa ni Provincial Employment Services Office kun PESO Manager Ronnel Garcines nga makadawat og sobra P10k ang mga benepisyaryo base sa rate sa probinsya.
Sa pakighinabi sa Provincial Press Bureau sa pipila ka estudyante nga misalmot sa SPES, mitunol sila sa ilang pagpasalamat kang Gov. Victor J. Yu ug D.S. Congw. Divina Grace Yu. Gani gipamulong sa pipila ka estudyante nga nalipay usab ang ilang mga ginikanan sa programa sa DOLE ug Kagamhanang Probinsyal sa Zamboanga del Sur.
Matud ni Congw. Yu nga adunay unang usa ka libo ka mga estudyante ang mopailawom niining orientation.
Gibutyag usab ni PESO Manager Garcines nga human niining usa ka libo nga mga estudyante diin 50 matag adlaw gawas sa adlawng Domingo, aduna pay usa ka libo nga lunlon nga taga-Pagadian ang mopailawom sa samang oryentasyon.
#VictoryZamboangaDelSur #TinuodNgaSerbisYU
