GIPAKLARO ni Department of Health ZamPen Regional Director Dr. Joshua Brillantes nga DILI requirement ang voter’s ID aron mahimong kwalipikado ang usa ka residente sa pagpabakuna.
Sa usa ka official letter ni RD Brillantes kang Pagadian City Mayor Sammy Co, gipasabot niini ang mga proofs of eligibility nga maglangkob apan dili limitado sa musunod: company ID, contract o permit ug mga certificate of eligibility sama sa employment, deployment ug assignment o bisan unsang proof of occupation sama sa business permit ug community tax certificate.
Ang maong sulat mihatag og pagpatin-aw human daghang mga trabahante ug residente sa siyudad sa Pagadian ang mireklamo tungod kay gibalibaran sa bakuna tungod kay wala silay mapresentar nga COMELEC kun voter’s ID.
Dugang pa ni Brillantes nga labot sa supply sa bakuna, gigiyahan ang departamento sa panglawas sa principle of vaccine equity diin ilang gisiguro nga bisan sa kakulangon sa alokasyon sa bakuna ug ang pagdeliver niini, gi-prioritize niini ang mga ‘high burden’ areas nga dunay mas ubos sa 10% nga coverage sa ilang total priority group A.
Pag-awhag sa direktor kang Mayor Co, sugdan ang A4 roll-out bisan pa man ngadto sa mga non-residents kun dili lumulupyo sa Pagadian City.
#ZamboangaDelSur #VictoryZamboangaDelSur #TinuodNgaSerbisYU
