MIPAILAWOM sa Special Program for Employment of Students (SPES) Orientation adlawng Mierkules , Agosto 18, 2021 sa Zamboanga Motors Supply (ZMS) Building, Rizal Ave. Pagadian City.Sama sa naandan, mihatag si Roniel G.Garcines ang Acting Public Employment Services Office sa Probinsya ug mga tips sa angay buhaton ilabina kon anaa sa lugar trabaho-anan ang mga estudyante nga mopailawom ug (20) ka adlaw nga pagtrabaho.
Ang SPES, usa ka programa nga gipasiugdahan sa Department of Labor Employment sa pagdumala ni DOLE Secretary Bello III ug sa pagmando ug pagtugot ni Presidente Rodrigo Duterte. Dinhi sa lalawigan, ang kagamhanang probinsyal maoy dako ug kaakuhan sa nasangpit nga programa diin 60 porsyento sa isweldo sa mga mipailawom sa maong programa paga-abagahon sa probinsya. Samtang 40% sa isweldo gikan sa DOLE. Makadawat ug P10.500 matag usa ang mga SPES Beneficiaries kinsa ipang-assign sa mga lain-laing opisina sa ilang munisipyo.
Gikalipay ni Governor Victor J, Yu ug Deputy Speaker Congresswoman Divina Grace C. Yu nga madugangan ang gidaghanon nga matabangan ng mga studyante. Gani wala nagdahom si Cong Yu nga madugangan ug usa ka libo nga mga SPES Beneficiaries. Bunga kini sa paghangyo sa congresista ngadto kang Sec. Bello. Wala misalir ang pagdumili sa mga estudyante nga mohatag ug awit, tungod sa hangyo ni Congw Yu nga mopakita sila ug talento sa pagkanta. Naabot hinoon sa unom ka estudyante ang mipaambit ug awit.
Gipadangat usab ni Gov. Yu ang amahanong pagtambag ug hangyo ngadto sa mga estudyante nga tarungon ang ilang pagtungha kay kini ang maoy maghatud kanila sa maayong kaugmaon. Pasiaw pod nga gilagbitan sa pagpamulong ni Congw Yu nga dili tungod sa SPES dili magkita sila ni Gov. Yu.
Didto usab ang amahan sa Molave nga si Mayor Dr. Cyril Reo Glepa kinsa midasig ug mitambag sa mga estudyanteng taga Molave nga seryosohon ang pagpangempleyo kay kini maoy makahatag kanila ug dakong tsansa nga mahatagan ug trabaho ug sa ilang maayong kaugma-on
#VictoryZamboangaDelSur #TinuodNgaSerbisYU
