GIPASIUGDAHAN sa Zamboanga del Sur Provincial Government ang pagbukas sa kasaulogan sa Civil Service Month pinaagi sa usa ka virtual kick-off program sa 121st Philippine Civil Service Anniversary adlawng Mierkules.
Gitambongan kini sa mga HR practitioners, LGU representatives ug mga office head sa kagamhanang probinsyal sa pagpanguna ni PHRMO Bernarda P. Quirante.
Atol sa maong online event, pipila ka virtual messages ang gipadayag sa mga speakers sama nila Civil Service Commission Chairperson Alicia dela Rosa, Regional Director Alvin Araneta, CSC FO-ZDS Director II Sarah Amores-Batoy ug Zamboanga del Sur Governor Victor J. Yu.
Sa iyang mensahe, giawhag ni Governor Victor Yu ang mga public servants nga padayong mohatod sa matinud-anon ug komitadong serbisyo sa katawhan taliwala sa mga hagit sa pandemya.
Ang Philippine Civil Service namugna kaniadtong Septembre 19, 1900 subay sa Public Act No. 5 ug subay usab sa Presidential Proclamation No. 1050, series of 1997, nga nagdeklara sa bulan sa Septembre ingon nga Civil Service Month.
Managsunod nga online activities ang ipahigayon karong bulana alang sa selebrasyon sa Civil Service Month sama na lamang sa libreng webinars, online trivia contest, regional quiz bee, digital art contest, photography contest, song writing contest ug ang tinuig nga annual Prime-HRM Awards.
#VictoryZamboangaDelSur
