PORMAL ng gimugna ang Provincial Vaccine Operation Center sa Zamboanga del Sur pinaagi sa Executive Order No. 2021-04 nga gipirmahan ni Governor Victor J. Yu adlaw nga Martes.
Ang PVOC maoy gitahasang magdumala sa City ug Municipal vaccination operations centers alang sa implementasyon sa COVID-19 vaccination program sa probinsya.
Kini pagapamunoan ni Gov. Yu isip chairman ug ni Dr. Anatalio Cagampang Jr. isip Vice Chairman.
Ilawom sa PVOC, dunay lain-laing teams nga gilangkoban sa mga doktor ug uban pang focal persons gikan sa mga ahensya nga maoy manguna sa planning and technical requirements, cold chain and logistics management, coordination, vaccine safety surveillance and risk management, social mobilization and communication, ug health information.
Ang planning and technical team mao ang gitahasan nga mo-setup sa mga local VOC’s sa mga kalungsuran. Sila usab ang maglusad sa orientation ug capacity building alang sa mga program managers and implementers.
Ang cold chain and logistics team mao ang magsiguro nga tukma sa panahon ang pagdeliver sa mga bakuna ug uban pang medical equipment. Katambayayong sa Integrated Provincial Health Office ang PDRRMO ug DILG sa maong responsibilidad.
Ang vaccine safety and surveillance team mao ang maghimo sa surveillance report, case investigation ug data analysis.
Ang communication ug partnership team mao ang magpalapnag sa mga importanteng impormasyon mahitungod sa vaccination program lakip na ang pagkalap ug feedback o mga community engagement issues mahitungod sa local vaccine operation centers.
Ang pag-establisar sa Provincial Vaccine Operation Center usa ka mahinungdanong lakang aron nga mahatagan ug hustong giya ang probinsya sa mamahimong implementasyon sa COVID-19 vaccine.
#VictoryZamboangaDelSur #TinuodNgaSerbisYu
