MOTOTAL 77 ka mga beneficiaries gikan sa 26 ka mga barangay sa siyudad sa Pagadian ang nakadawat sa libreng seedlings sa cacao, kape, falcata ug hybrid nga lubi adlawng Mierkules sa Brgy. Danlugan Covered Court.
Personal mismo nga gipangunahan ni Governor Victor Yu ug Deputy Speaker Cong. Divina Grace Yu ang pagpang-apod apod sa maong mga similya nga kabahin sa Pananom Program sa probinsya.
Atol sa maong kalihukan, gi-apod apod usab ang mga kanding isip kabahin sa livestock dispersal program sa agriculture department ug sa provincial government.
Ang Pananom Program ug Animal Dispersal pipila lamang sa mga livelihood programs nga gipanghingusgan sa kasamtangang administrasyon aron makatabang sa pagpalambo sa panginabuhian sa mga yanong Zambosurian. Ilawom sa maong programa, ubay-ubay na ang mga nakatagamtam sa ilang mga abot tungod sa makugihong pagpananom lakip na ang pagpamuhi sa kahayopan.
#VictoryZamboangaDelSur #TinuodNgaSerbisYu
