Malampusong gipahigayon ang pagbukas sa unang adlaw sa Kakao Festival sa Zamboanga del Sur adlaw nga Huwebes sa may Provincial Capitol Covered Court.
Gisugdan ang kalihukan sa usa ka motorcade palibot sa siyudad nga gisalmotan sa mga cacao farmers, processors ug uban pang stakeholders.
Pormal nga gibuksan ang festival pinaagi sa ribbon-cutting nga gipangunahan ni Gov. Victor Yu, Deputy Speaker Cong. Divina Grace Yu, Philippine Cacao Industry Chairperson Armi Garcia, Department of Tourism Region 9 ASEC Myra Abubakar, Department of Trade Industry Provincial Director Flora Miraflor ug mga provincial officials.
Sa aktwal nga exhibit venue, makita ang daghang mga produkto sa cacao sama sa tableya, tsokolate ug mga by-products nga gigamitan sa tsokolate. Kini gigama sa mga chocolate processors sa kalungsuran sama na lamang sa Midsalip ug Molave.
Makita usab sa mga bisita kung giunsa paggama ang mga chocolate products pinaagi sa live demonstrations sa venue.
Tumong ug katuyoan sa maong makasaysayang aktibidad nga mas mapalambo ang industriya sa cacao sa lalawigan kaabag ang mga partner-agencies ug local nga pangagamhanan.
Si Gov. Victor J. Yu miawhag sa mga stakeholders nga padayong maghiusa aron mas mahimong produtikbo ang pagpananom sa cacao ug makab-ot ang iyang damgo nga mamahimong ‘cacao country’ ang Zamboanga del Sur.
Ang pinakaunang Kakao Festival sa Zamboanga del Sur nagsugod adlaw nga Huwebes ug matapos sa Dominggo, sa mismong adlaw sa Valentines Day.
#ZamboSurKakaoFestival #VictoryZamboangaDelSur
