Aron maandam ang pagahimmong COVID-19 vaccination rollout sa probinsya, usa ka simulation exercise ang pagahimuon sa Provincial Emergency Operations Center sunod semana nga magsugod sa matag munisipyo sa Zamboanga del Sur.
Aron maandam ang pagahimmong COVID-19 vaccination rollout sa probinsya, usa ka simulation exercise ang pagahimuon sa Provincial Emergency Operations Center sunod semana nga magsugod sa matag munisipyo sa Zamboanga del Sur. Kini ang pamahayag ni Dr. Anatalio Cagampang Jr. atol sa pinakaunang panagtagbo sa mga miembro sa Vaccine Operations Center (VOC) adlaw nga Mierkules, Pebrero 17.
Tumong sa simulation nga mahan-ay ug mahapsay ang mga importanteng detalye sa mamahimong vaccination procedure ug masiguro nga andam ang vaccinate sites sa matag lungsod.
Atol sa VOC meeting, gihisgutan ni PDRRMO-OIC Ret. Col. Ronnie Villanueva ang mga tahas ug responsibilidad sa pito ka teams nga maoy magdumala sa pagbakuna –gikan sa pagtransport niini gikan sa storage facility paingon sa aktwal nga pagturok sa target vaccinees o indibidwal nga kwalipikado sa bakuna.
Gibutyag ni Dahlia Aseniero, Health Education and Promotions Officer, nga duna nay naka-standby nga 12 ka cold storage facilities ang ilang buhatan alang sa tanang klase sa bakuna. Usa niini ang para sa COVID vaccine apan pwede ra usab ma-convert ang nabiling freezers kung gikinahanglan ug dugang tipiganan.
Katambayayong usab sa vaccination program ang media ug uban pang stakeholders nga maoy motabang sa health information team sa pagpasabot sa publiko mahitungod sa benepisyo sa COVID vaccine.
Sa pagkakaron, anaa pa sa planning phase ang lalawigan mahitungod sa vaccination program sa kagamhanan diin mag-agad kini sa mga guidelines nga ipagawas sa health department ug unsang klase sa bakuna ang gamiton alang sa national vaccination program.
#VictoryZamboangaDelSur #TinuodNgaSerbisYu
