GIPADAYAG ni Westmincom Commander Lt Gen Corleto Vinluan Jr. nga na-demoralized na ang mga komunistang grupo sa Western ug Central Mindanao kini human mitahan sa pwersa sa kagamhanan ang duha (2) ka mga miembro sa walhong grupo sa Dumingag, Zamboanga del Sur adlaw nga Lunes, Pebrero 22, 2021.
Naila ang maong communist terrorist group (CTG) members nga sila Alyas Jobel, 33 anyos, residente sa Brgy. Mahayahay, Dumingag , Zamboanga del Sur ug miembro sa HQ-Kalaw, Western Mindanao Regional Party Committee (WMRPC); ug Alyas LG/Zoren, 24 anyos, lumulupyo sa Brgy. Saad ug miembro sa GF BBC, WMPRC.
Mitugyan sa ilang kaugalingon ang duha ka rebelde ngadto sa hiniusang pwersa sa 53rd Infantry Battalion, Dumingag Municipal Police Station og Municipal Task Force to End Local Communist Armed Conflict bandang alas-9 sa buntag sa maong adlaw.
Si 53rdIB Commanding Officer LtCol Jo-ar Herrera nagkanayon nga ang malampusong pagtahan sa maong duha ka CTG members nahimong possible pinaagi sa pagpaningkamot sa local government sa Dumingag gipangunahan ni Mayor Joan Abejuela ug sa Patrol Base Commander sa Brgy. Saad.
Gipailawom na sa custodial debriefing si Alyas Jobel ug Alyas Zoren sa dili pa sila ipasulod sa Enhanced Comprehensive Local Integration Program (E-CLIP) sa gobyerno.
Ang administrasyon ni Gov. Victor Yu kusganong nagsuporta sa mga pagpaningkamot sa AFP aron mapatunhay ang implementasyon sa ELCAC ug ang mga proyekto niini sa kalungsuran aron mahimong insurgency-free ang lalawigan sa Zamboanga del Sur ug makab-ot ang tinuod nga kalinaw ug kalambuan.
#VictoryZamboangaDelSur #TinuodNgaSerbisYu
