Giawhag ni Deputy Speaker Cong. Divina Grace Yu ang kababayen-ang Zambosurian nga pahimuslan ang mga libreng serbisyo nga ihatag sa gibuksang Center for Women’s Health sa Zamboanga del Sur Medical Center atol sa unang adlaw sa Women’s Month Celebration.
Sa pakighinabi kaniya adlawng Lunes, gipadayag sa kongresista sa unang distrito nga importante gayud ang pagpacheck-up sa mga kababayen-an alang sa himsog nga panglawas ug aron masuta og sayo ang mga sintomas sa mga nag-unang balatian sa mga babaye sama sa breast cancer ug cervical cancer.
Ang Center for Women’s Health usa ka inisyatiba ni Cong. Yu ug Gov. Victor Yu aron mahatagan og pagtagad ilabina ang reproductive health sa kababayen-an sa probinsya.
Sumala ni Cong. Yu nga namugna ang maong proyekto tungod kay nakita niya nga makatabang kini aron makabaton na og accessible ug libreng screening ang mga yanong lungsoranon sa Zamboanga del Sur.
Ang Center for Women’s Health pagasangkapan og mga equipment sama sa mammogram alang sa early detection sa breast cancer, colposcopy alang sa pag-examine sa cervix sa babaye, MRI scanner ug uban pa.
Gibutyag ni Cong. Yu nga pipila sa mga machines ang i-purchase sa buhatan ni Sen. Bong Go ug ang ubang kagamitan ang paliton sa provincial government.
Si ZDSMC Chief Dr. Anatalio Cagampang Jr. nagkanayon nga kung makumpleto na ang maong mga equipment, dili na kinahanglan moadto pa sa lagyong dapit ang mga pasyente tungod kay ma-avail na kini sa medical center.
Gipahibalo usab ni Dr. Chandra Salvador, CWH head, nga libre ang pap smear test sa kababayen-ang Zambosurian sugod Marso 3.Lakip usab sa gigahing serbisyo sa center ang family planning ug pag-atiman sa mga pasyenteng babaye nga dunay infection.
#VictoryZamboangaDelSur #TinuodNgaSerbisYu #WomensMonth2021
