NAHIDANGAT na sa Pagadian City ang mga proctor ug facilitator sa PNPA Cadet Admission Test kun PNPACAT sa Zamboanga del Sur nga pagahimuon sa West Prime Horizon Institute karong Marso 7 ug Marso 8, 2021.
Ang modified PNPACAT nga dunay pencil and paper format pagasalmotan sa 335 ka mga registered applicants nga nanimpalad makasulod sa pagkapulis.
Ang cadet admission test mao ang usa sa managsunod nga requirement para sa mga aplikante aron ma-qualify sa 4 ka tuig nga cadetship education ug training program sa Philippine National Police Academy.
Maglangkub ang examination sa Communication Skills, Math, Science, Logical and Abstract Reasoning, General Information and Current Events, Values ug Ethics.
Adlaw nga Huwbes, nag-courtesy call kang Deputy Speaker Cong. Divina Grace Yu ang nasangpit nga mga examination facilitators.
Kahinumdoman nga si Cong. Yu ang nanghingusog nga maka-host og admission test sa PNPA diri sa Zamboanga del Sur pinaagi sa iyang paghangyo kang PNP Chief Debold Sinas.
Isip pagsunod sa new normal situation, striktong i-implementar sa PNPA ang aprubadong safety health protocols ug guidelines sa IATF alang sa pagpahigayon sa examination.
#VictoryZamboangaDelSur #TinuodNgaSerbisYu
