GIBUTYAG ni Dr. Anatalio Cagampang Jr. nga wala siyay gibating sakit, paminhod, hilanat o allergy sa dihang gibakunahan siya adlawng Lunes.
Atubangan mismo sa media, gitestimonya ni Cagampang nga miagi siya sa saktong assessment sa wala pa magbakuna ug iyang nabatyagan nga normal ang iyang vital statistics human makadawat sa maong COVID-19 vaccine.
Sigon sa doktor nga nahatag sa gobyerno ang Sinovac vaccine busa angay kining dawaton sa walay pagkuli tungod kay importante kaayo kini isip proteksyon batok sa virus.
Giisip ni Cagampang nga usa ka “shot of hope” ang pag-abot sa bakuna tungod kay sa dugayng panahon nangandoy ang matag usa nga maabot ang solusyon sa nagpadayong pandemya.
Pag-awhag niya sa publiko nga kung moabot na ang bakuna para sa tanan, dili kini angay ikahadlok tungod kay safe ug epektibo kini.
#VictoryZamboangaDelSur #TinuodNgaSerbisYu
