NAGSADYA ang mga Zambosurian human migawas nga mananaug ang garbo sa Tambulig, Zamboanga del Sur nga si Liofer Pinatacan sa latest edition sa Pinoy Big Brother.
Sa gipahigayong virtual ‘Big Night’ Dominggo sa gabie, nasungkit sa 22 anyos nga culinary arts student ang titulong “Big Winner” human mihukom ang publiko pinaagi sa text ug online votes. Naangkon usab niya ang P1million cash prize ug usa ka brand new house and lot.
Gipildi ni Liofer ang laing 3 ka kauban niya nga housemates isip ‘Big 4’ nga sila Jie-Ann gikan sa Sarangani, ug si Kobie ug Andrea nga parehong taga-Paranaque.
Kahinumdoman nga misulod si Liofer sa ‘Bahay ni Kuya’ kaniadtong Disyembre dala ang moniker nga “Dong Diskarte ng Zamboanga del Sur”.
Gibarugan ni Liofer ang ang iyang pagkamadiskarte human milampos siya sa challenges ni ‘Kuya’ sulod sa PBB house diin sa pipila ka bulan nasulay ang ilang kalig-on ug nakita ang ilang tinuod nga personalidad.
Nakahatag og inspirasyon ang batan-on sa mga viewers tungod sa iyang pagkaresponsable sa mga tasks, pagkamapaubsanon ug pagkamaayong tawo.
Todo-suporta ang local government sa Tambulig sa pagpamuno ni Mayor Charlotte Dumanjug-Panal ug ang Zamboanga del Sur Provincial Government pinaagi ni Governor Victor Yu ug Cong. Divina Grace Yu sa gihimo niining fund raising para sa voting campaign ni Liofer nga maoy kabahin sa kadaugan sa batan-ong Tambulignon.
#VictoryZamboangaDelSur #TinuodNgaSerbisYu
