Nagpahigayon ug Emergency meeting ang Zamboanga del Sur Provincial Inter-Agency Task Force adlawng Mierkules, Marso 17, 2021 sa Balay Bisaya, Provincial Government Complex, Dao, Pagadian City.
Nagpahigayon ug Emergency meeting ang Zamboanga del Sur Provincial Inter-Agency Task Force adlawng Mierkules, Marso 17, 2021 sa Balay Bisaya, Provincial Government Complex, Dao, Pagadian City.
Naaghat ang PIATF nga magpatawag ug panagtigom tungod sa pagkaalarma sa pagsulod sa nagpositibo sa UK Covid 19 Variant sa lalawigan. Ang maong indibidwal usa ka OFW nga nagtrabaho sa Kuwait kinsa taga lungsod sa Labangan. Apan sa labing ulahing kasayuran nga nagpakita kini nga walay sintomas o asymptomatic samtang nagpadayon sa pag-quarantine. Ingon man negatibo sa RT-PCR/swab test ang pito ka indibidwal nga kauban sa panimalay, nagkanayon si Dr. Anatalio Cagampang Jr. atol sa iyang pagpamulong ug pag-interview sa media.
Sa laing bahin, gibutyag usab ni Cagampang nga aduna pay gipaabot nga mga dugang vaccines human nga nadawat ang ikaduhang batch nga AstraZeneca Covid-19 Vaccines nga malampusong naapod sa mga medical frontliners sa probinsya.
Gituki usab ang pagsiaw sa mga tari-tari sa mga kabarangayan tungod sa pagtugot sa pagbukas sa mga sabongan. Matud pa ni DILG PD Aracama nga kadtong lisensyadong sabongan ray mahimong mooperate. Anaa na kini sa mga kamot sa kapulisan, ang pagpatuman sa balaod tungod kay illegal ang tari-tari.
Apan ang gikahinam-hinaman nga masayran sa tanan mao ang teknolohiya sa S-Pass nga gipaila sa Department of Science & Technology. Kalabot kini sa epektibo ug pinasayon nga pamaagi sa contract tracing gamit ang teknolohiya agi sa smart cellphone.
Adunay paga-agian nga proseso sa pagrehistro gamit ang smartphone o android cellphone ug paghatag matag morehistro ug unique nga QR code.
Adunay paga-agian nga proseso sa pagrehistro gamit ang smartphone o android cellphone ug paghatag matag morehistro ug unique nga QR code.
#VictoryZamboangaDelSur #TinuodNgaSerbisYu
