Hingpit ng nahimong mga miembro sa Community Fire Auxiliary Group ang 23 ka mga personahe sa Zamboanga del Sur Disaster Risk Reduction and Management Office human sila migradwar sa upat ka adlaw nga Fire Volunteers Training Course nga gilusad atol sa pagsaulog sa Fire Prevention Month.
Tumong sa maong kalihukan nga mabansay ang mga volunteers sa pagresponde panahon sa sunog ingon nga kaabag sa mga bombero.
Sa katapusang adlaw sa ilang training, usa demonstration isip pag-evaluate sa ilang mga nakat-onan ang ilang gipasundayag sa Soccer Footbal Field sa Dao, sama na lamang sa hustong proseso sa pagpalong og kalayo ug paggamit sa mga kagamitan sa fire truck.
Gi-facilitate ang training sa usa ka team gikan sa Bureau of Fire Protection sa pagpanguna ni SFO3 Jimmy Elis.
Atol sa graduation ceremony, gipaambit ni Elis ngadto sa mga fire volunteers ang pilosopiya sa BFP nga “we serve so that other may live” nga nagpahinumdom kanila sa sinserong pagtabang ug pag-alagad panahon nga makasaksi sila og sunog.
Si PDRRMO-OIC Ret.Col. Ronnie Villanueva midasig usab sa mga fire volunteers nga ikinabuhi ang ilang nakat-onan sa training ilabina ang disiplina ug ‘presence of mind’ panahon sa pagresponde sa kalamidad nga sama sa sunog.
#VictoryZamboangaDelSur #TinuodSerbisYu
