MIDAWAT sa ilang allowance ang anaa sa 100 ka mga benepisyaryo sa Special Program for Employment of Students (SPES) adlawng Lunes sa usa ka panagtigom nga gipahigayon sa Provincial Covered Court, Capitol Grounds, Pagadian City.
Mitambong sa maong kalihukan si Governor Victor J.Yu, Deputy Speaker Cong. Divina Grace Yu, ug Board Member Armando “Bebe” Sanoria uban ang mga representante sa Department of Labor and Employment.
Sa iyang hamubong mensahe, gidasig ni Governor Yu ang mga SPES scholars nga molampos sa ilang pag-eskwela aron makatabang sa pamilya ug sa komunidad.
Sumala niya nga mahinungdanon ang SPES dili lamang sa ayuda nga mahatag kanila apan lakip na usab ang kasinatian sa pagpaarbaho nga ilang magamit kung musulod na sila sa aktwal nga pagpangempleyo.
Pag-awhag sa amahan sa lalawigan nga walay laing maningkamot aron moasenso sa kinabuhi, kinahanglan magsugod kini sa tagsa-tagsa ka kaugalingon.
Si Deputy Speaker Yu mibutyag nga gikan sa usa ka gatos, mahimong ng usa ka libo (1000) ang mamahimong maka-avail sa SPES sa tuig 2021.
Pagdasig usab niya sa mga estudyante nga hatagan og bili ang maong programa sa national government ug ipadayon ang pagkugi sa ilang pagtuon isip bugti sa ilang nadawat nga benepisyo gikan sa kagamhanan.
Ang allowance nga makuha sa SPES beneficiaries magagikan sa counterpart sa PLGU nga 60% samtang 40% ang gikan sa Department of Labor and Employment.
#VictoryZamboangaDelSur #TInuodNgaSerbisYu
