Nasurpresa gayud ang usa ka inahan nga nga nagsaulog sa iyahang ika-69 nga adlaw nga natawhan kagahapong adlawa.
Gipadalhan syà ug mga nagkalain-laing sorpresa gikan kang Governor Victor Yu ug Deputy Speaker Divina Grace Yu nga gitunol mismo sa taga buhatan sa Provincial Office of the Senior Citizens Affairs (OSCA) nga gidumala ilawom sa PDAO. Ang buhatan sa Provincial OSCA nahimugso niaging tuig taliwala sa pandemya pinaagi sa usa ka provincial ordinance.
Si Nanay Juana “Honey” Sarcauga, usa ka inahan nga nag-inusara na lamang nga gapuyo sa ilahang panimalay tungod kay wala na kini bana ug ang iyang mga anak nangaminyo na. Bisan tuod syà nag inusara na lamang sa iyahang balay, wala niya damha nga syà mabisitahan. Nikalit ug kabibo ang iyaha panimalay atol sa pagbisita sa taga probinsya samtang gahatud sa iyahang mga gasa pahalipay nga gikan sa Amahan ug Inahan sa lalawigan.
Kini nga pasurpresa sa usa ka inahan nga gatangag sa ngalang “JUANA”, tipik ug kabahin kini sa Grandparents Week celebration ug sa usa ka bulan nga selebrasyon sa Women’s Month, nga adunay tema nga “Juana sa Pandemya: Kaya!”.
#VictoryZamboangaDelSur #TinuodNgaSerbisYu
