GISAULOG sa mga kaigsuonang PWD ang Women with Disabilities Day pinaagi sa usa ka simpleng panagtigom sa Provincial Executive Hall sa provincial capitol karong adlawa, Lunes, Marso 29.
Atol sa maong kasaulogan, mitambong si Governor Victor J. Yu ug Deputy Speaker Cong. Divina Grace Yu kauban si Board Member Jenifer Din- Mariano ug mga government agencies sama sa DSWD, TESDA ug DTI.
Si Cong. Yu mihatag sa iyang pagdasig sa mga persons with disability ilabina sa mga kababayen-an. Matud niya nga dili angay tan-awon kung unsay ‘kakulangon’ sa usa ka tawo apan kung unsay iyang ikatabang tungod kay pinaagi niana makahatag siya ug inspirasyon ngadto sa uban.
Gidayeg usab ni Governor Yu ang kaabtik sa Provincial Disability Affairs Office pinaagi ni Miriam Llanos sa pag-akatar niini sa mga programa alang sa mga dunay kabilinggang pisikal sa lalawigan.
Subling gisulti sa amahan sa lalawigan nga walay pili ang tabangan sa iyang administrasyon ug dako iyang pagtagad sa mga PWD’s pinaagi sa paghatag kanila og oportunidad ug paglaum aron moasenso ang ilang panginabuhian taliwala sa ilang kahimtang.
Ang Women with Disabilities Day ginasaulog matag katapusang Lunes sa Marso subay sa Proclamation No. 744 ug mandato sa National Council on Disability Affairs.
#VictoryZamboangaDelSur #TinuodNgaSerbisYu
