GIINAGURAHAN na ang Social Service Facilitators Office (SSFO) Sub-Office adlaw nga Lunes sa lungsod sa Dumingag, Zamboanga del Sur. Ang maong buhatan nahimutang sa Sitio Maleyo, New Basak, Dumingag, Zamboanga del Sur.
Gipangunahan ni Parish Priest Rev. Fr. Arnel Pahang ang paghatag og panalangin ug bendisyon.
Nagpasalamat an katawhan sa Dumingag kang Gov. Victor J. Yu & DS Congw. Divina Grace C. Yu sa ilang makanunayong paghigugma sa Dumingag.
Ang maong kalihukan girepresentahan ni Governor’s Secretary Marife Tan-Azubar nga maoy nanguna sa ribbon-cutting ceremony kauban ang duha ka Supervising Facilitators sa 1st District nga si Edwin “Boboy” Basco ug sa 2nd District nga si Vicente “Inteng” Gomez kauban usab sa tanang facilitators sa probinsya nga mipakita sa ilang suporta.
Mipakita usab sa ilang full support sa upat (4) ka lig-ong SB Members sa Dumingag na sila SB Julius Jamero, SB Trek Morpos, SB Pakit Duerme ug SB Francis Joeray T. Gumban ug ang presensya ni Sir Gerry T. Paglinawan.
Ang maong Dumingag SFFO-Sub Office pagadumalahon sa mga Cluster Barangay Facilitators (CBFs) sa pangpangulo ni Municipal Facilitator Romie “Toto” Colorado.
Daku kining tabang sa tanang Dumingagnon para mapadali ang pagpaabot sa tanang serbisyo gikan sa probinsya padulong sa 44 ka barangay sa Dumingag. Bukas kini sa adlawng Lunes hangtod Biyernes gikan alas-8 sa buntag hangtod alas-5 sa hapon.
#VictoryZamboangaDelSur #TinuodNgaSerbisYu
