MIPIRMA og Tripartite Memorandum of Agreement ang kagamhanang probinsyal sa Zamboanga del Sur, Department of Education Zambosur ug University of Science and Technology of Southern Philippines alang sa usa ka research journal publication.
Adlaw nga Biernes, Abril 23, pormal nga gipanday ang partnership ug collaboration sa tulo ka partido aron matuman ang maong mahinungdanong proyekto. Gitambongan kini ni Governor Victor J. Yu, DS Divina Grace Yu, SDS Majarani Macaraeg Jacinto, ASDS SDRC Chairman Romeo Daligdig, SGOD Chief Ernie Tardo ug Atty. Dang Mariano. Presente usab sa maong panagtagbo ang USTP research collaborators nga sila Dr. Ismael Talili, Dr. Maria Teresa Fajardo, ug RPO Paul Estrera.
Subay sa kasabotan, ang USTP mao ang mogahi og SDO Editorial Board alang sa gikinahanglang technical ug editorial expertise pinaagi sa mentoring ug sunod-sunod nga pagbansay.
Samtang ang DepEd Zambosur mao ang mipadangat og request sa USTP alang sa capacity-building ug mogahin og counterpart funding gikan sa HRTD funds sa nasangpit nga research training.
Ang Zamboanga del Sur Provincial Government mao ang mosangkap og counterpart funding gikan sa Sepcial Education Fund alang sa produksyon sa 5 ka volume nga research journals.
Mipadangat sa ilang dakong pasalamat ang DepEd Zambosur pinaagi ni SDS Jacinto kang Gov. Yu ug DS Yu sa pag-aprubar niini sa tanang request ilabina ang SEF allocation ug bisan pa man sa kinatibuk-ang suporta sa PLGU alang sa kalampusan sa maong proyekto.
#VictoryZamboangaDelSur #TinuodNgaSerbisYu
