LIBOAN ka mga benepisyaryo gikan sa mga kalungsuran ang nidawat og ayudang pinansyal nga tig-tresmil (P3k) ka pesos ilalom sa programang Assistance to Individual In Crisis Situation (AICS) pinaagi ni President Rodrigo Duterte ug Senator Bong Go.
Karong semanaha personal nga gipangunahan ni Gov. Victor Yu ug Cong. Divina Grace Yu ang pagpang-apod apod sa financial assistance ngadto sa mga katawhan sa Tambulig, Aurora uf Molave diin miangkon og tig-1,500 ka beneficiaries ang matag lungsod.
Mitambong usab sa maong kalihukan si Vice Governor Roy Ariosa, mga Board Members, mga mayor sa lungsod ingon man si DSWD ASec Jade T. Jamolod ug uban pang mga personahe sa DTI, TESDA, DOH, ug DA.
Mokabat sa P4.5 Million nga pundo gikan sa pangagamhanang nasyonal ang gi-distribute sa maong mga benepisyaryo’ng naapektuhan sa krisis sa pandemya.
Nagpadayag og dakong pagpasalamat ang amahan sa probinsya sa mapadayonon nga suporta ug pagpangga ni Senator Bong Go ug Presidente Rodrigo Duterte sa mga Zambosurians taliwala pa man sa gisagubang nga kalisod sa yanong katawhan.
Ang mga benepisyaryo naglangkob sa mga tricycle drivers, event personnel (photographers, videographers, make-up artists, dressmakers, choreographers, carenderia and sari-sari operators ug ambulant vendors diin mapasalamaton kaayo sila ngadto sa mga lideres sa pangagamhanang nasyonal, inubanan sa suporta sa administrasyong YU sa ilahang nadawat nga mga vitamins ug food subsidy nga dakog ikatabang kanila sa ilang pang-adlaw-adlaw nga panginahanglanon.
#VictoryZamboangaDelSur #TinuodNgaSerbisYU
