Malampusong napahigayon ang pinakaunang motorkada alang mga PWD sa lalawigan sa Zamboanga Del Sur adlawng Biyernes, Hulyo 23, 2021. Ang maong motorkada ang kabahin sa kasaulugan sa ika-43 nga National Disability Prevention and Rehabilitation Week uban sa temang ” Kalusugan at Kaunlaran ng Pilipinong may Kapansanan, Isulong sa Gitna ng Pandemya”, nga gisuportahan sa kagamhanang probinsyal sa pagpanguna ni Gov. Victor Yu ubos sa pagpaningkamot sa PWD Affairs Office.
Tumong sa maong kalihukan mao ang mahatagan ug pagtagad ang atong mga kaigsoonang PWDs sa lalawigan. Nagpasalamat ang nga Person With Disabilities (PWDs) sa pagpanguna sa PWD Affairs Head nga si Miriam Llanos nga gitugutan sila nga maka selebrar taliwala sa pandemya. Nagpaabot usab sila sa ilang pagpasalamat sa administrasyon ni Gov. Yu sa gipakitang pagtagad ug suporta lakip na sa mga programa nga nakatabang sa ilang mga mulo ug pangihanglan.
Ang maong mga PWDs nagpamatuod nga dili babag ang ilang kakulangan aron nga magpakita ug magpaila sila sa katilingban. Gidasig usab ni Miriam Llanos ang mga PWDs nga dili ikaulaw ang ilang kahimtang tungod kay special sila nagkadaiyang pamaagi.
Malipayong gipasundayag sa mga PWDs ang ilang mga nagkadaiyang talento sama sa mga pag-awit, pag-sayaw ug pag-drama. Atol usab sa maong kalihukan nagpahigayon sila ug libreng tuli alang sa mga PWDs ug mga anak sa mga PWDs pinaagi sa Pagadian City Lady Eagles Club.
#VictoryZamboangaDelSur #TinuodNgaSerbisYU
