GIBUTYAG ni Atty. Flavio “Banjo” Cordero adlawng Huwebes nga dili na makapugong ang gihuptang temporary restraining order (TRO) ni Kumalarang Mayor Ruel Molina sa preventive suspension order nga gipagawas ni Gov. Victor Yu batok kaniya.
Mao kini ang giluwatang pamahayag ni Atty. Cordero human gipasiatab ni Molina sa usa ka interview ang gibitbit niining TRO gikan kang Pagadian RTC Judge Dennis Bicoy nga maoy iyang gisaligan nga mopugong sa iyang nag-ungaw nga preventive suspension.
Sumala ni Cordero nga usa na ka “consummated” act kun nahuman na pagpagawas ang suspension order ni Gov. Yu ug dili na pwedeng ma-aplikar ang gitawag og “injunction” o kamanduan gikan sa korte. Gikuhaan og base sa abogado ang kaso ni Sabal vs. Court of Appeals nga nagkanayon, “The remedy of injunction could no longer be availed of when the act sought to be prevented had long been consummated.”
Gitawag usab ni Cordero nga “moot and academic” ang maong aksyon tungod kay wala na kini kapuslanan sa hinungdan nga napagawas na og gi-implementar na ang nasangpit nga preventive suspension order sa wala pa nitumaw ang TRO.
Pagpasabot ni Cordero nga wala gi-isyuhan og TRO sa korte si Governor Yu ug dili usab mahitabo nga apilon ang gobernador sa restraining order tungod kay kung apilon siya, usa kini ka pagyatak sa iyang katungod sa due process tungod kay wala man siya gikiha sa maong kaso.
Nakapatik kini mismo sa gipagawas nga order ni Judge Bicoy. Ang maong order nagkanayon nga “There would be complete denial of due process if the governor will be included in the restraining order since he is not impleaded in the first place in this case”.
Dugang pa ni Cordero nga kung mi-issue na si Governor Yu og preventive suspension order niadtong July 19, wala kini mapahunong sa order ni Judge Bicoy kay mismo sa iyang kamanduan nakabutang nga dili pwede pugngan si Governor tungod kay wala siyay labot sa kaso. “Kini nagpasabot nga kung dunay mogawas nga temporary restraining order, batok lamang sa Sangguniang Panlalawigan ug walay apil si Gov. Yu,” eksplinasyon ni Atty. Cordero.
#VictoryZamboangaDelSur #TinuodNgaSerbisYU
