NAGPASALAMAT ang bag-ong Regional Director nga si Ed.D. Ruth Fuentes sa mainitong pagabi-abi sa pangagamhanang probinsyal sa Zamboanga Del Sur ilabina sa amahan sa probinsya nga si Governor Victor J. Yu.
Sa pakighinabi ni Provincial Information Officer nga si Jeesrel Himang ngadto sa bag-ong direktor gipadayag niya ang dakong kalipay sa pag-abot niya dinhi sa Zamboanga Del Sur ilabina sa dakong suporta ni Governor Yu sa mga programa sa Department of Education.
Gidayeg ni RD Fuentes ang mga lakang nga gihimo ni Gov. Yu aron masuportahan ang mga magtutudlo ug magtutungha sa lalawigan sama sa paggahin og laptops ug printers para sa pag-imprinta og module.
Dugang pa niya nga taliwala sa pandemya ilang gipaningkamotan nga mapadayon ang paghatag og edukasyon sa kabataan bisan pa man sa nagpadayong hulga sa COVID-19. Segun sa direktor nga ipadayon sa gihapon ang modular learning samtang dili pa pwede ang face-to-face classes.
Nasayran nga usa siya sa unang nagpabakuna og iyahang gipaambit nga importante gayud nga makakuha og proteksyon ang mga magtutudlo ingon nga mga essential workers ug sunod niini ang mga kabataan.
Saad ni RD Fuentes nga ihatag ang tukmang serbisyo para sa mga estudyante, magtutudlo ug sa edukasyon sa kinatibuk-an isip bag-ong direktor sa Department of Education Region 9.
#VictoryZamboangaDelSur #TinuodNgaSerbisYU
