NAPULO’G USA ka FR’s (friends rescued) ang mitahan ngadto sa sabakan sa gobyerno atubangan mismo ni Governor Victor J. Yu ug 53rd Infantry Battalion Commander LtCol Jo-ar Herrera adlawng Mierkules, Agosto 4, 2021.
Gikan sa maong ihap, unom niini ang bag-o pa lamang mitahan sa lungsod sa Dumingag, Zamboanga del Sur. Nasayran usab nga usa sa mga mitahan ang usa ka kanhing commander sa NPA nga kinse (15) ka tuig na nga anaa sa kalihukan ug misurender usab og duha ka long arm ug usa ka short firearm. Una kining mitugyan sa iyang kaugalingon sa 97th Infantry Battalion.
Gipahigayon ang mubong presentasyon sa mga surrenderees sa wala pa ang meeting alang sa E-CLIP kun Enhanced Comprehensive Local Integration Program nga gitambongan ni Peace and Order Committee Chair Board Member John Regala ug mga government agencies ug stakeholders sama sa PNP, PSWDO ug DILG. Gituki sa nasangpit nga panagtigom ang gilaumang mga benepisyo nga madawat sa mga FR’s ilawom sa E-CLIP.
Human sa meeting, mihatag og pahalipay si Governor Victor Yu ug Cong. Divina Grace Yu ngadto sa mga FR’s timaan sa ilang pagtimbaya sa gihimong pagbalik niini sa sabakan sa balaod ug pagsugod-balik sa kinabuhing normal kauban sa ilang mga mahal sa kinabuhi.
#VictoryZamboangaDelSur #TinuodNgaSerbisYU
