GIBUTYAG ni Communication Information System Office Chief Justine Herrera adlawng Lunes nga mikabat na sa 30K users kun 30k unique devices ang nakakakonek sa free wifi access sa tibuok Zamboanga del Sur.
Sa ilang pagmonitor adlawng Lunes, mikabat sa 885 ka actual users nakagamit sa libreng Wifi sa probinsya diin dunay upat ka lugar ang nakitaan og labing dako nga bandwith consumption kun kusog mogamit sa wifi ilabina sa pagdownload. Kini mao ang mga barangay sa Capisan (Tabina ) diin maoy nag-una nga nakahurot ug 198Gig, ikaduha ang Brgy. Upper Sibatang (Pagadian) sa konsumo niining 158Gig ug ikatulo mao ang Brgy. Lumad (Pagadian) sa konsumo nga 154Gig. Anaa sa ikaupat nga pwesto mao ang Brgy. Buburay (Dimataling) nga nakakonsumo og 151Gig.
Samtang ang ubang mga kabarangayan dili kaayo tag-as ang nakonsumo.
Nagpasabot kini nga mas gipili nila ang paggamit sa libreng WIFI station kompara sa mga piso Wifi.
Ang Victory Wifi libre alang sa tanan isip pagtubag sa pangihanglanong edukasyon o pagtuon alang sa mga kabataan. Inisiyatiba kini ni Gov. Victor Yu aron matabangan kadtong buot mokutay sa internet aron masayran ang magkadaiyang natad sa impormasyon samtang nagpadayon ang modular ug online learning.
#VictoryZamboangaDelSur #TinuodNgaSerbisYU
