GIHIMAKAK sa Provincial Environment and Natural Resources Office nga illegal ang operasyon sa usa ka quarry sa Brgy. Poblacion/Gawil, Kumalarang, Zamboanga del Sur sukwahi sa alegasyon ni Kumalarang Mayor Ruel “Balong” Molina.
Adlawng Lunes, gikumpirma ni PENRO Richard Ligan nga dunay gratuitous permit ang maong operasyon nga gi-issue mismo ni Governor Victor Yu ingon nga otorisado sa paghatag sa permit subay sa kalagdaan sa PMRB Resolution No. 02262020-013 Series of 2020.
Subay sa maong gratuitious permit nagkanayon nga gitugotan nga mokuha og graba ug balas ug uban pang aggregates nga dunay gibana-banang volume nga 900 cubic meters sulod sa usa ka tuig.
Sumala ni Barangay Konsehal Francisco Maca Jr., nakab-ot ang maong pagtugot sa probinsya tungod sa hangyo sa mga kabarangayan nga nagkinahanglan og “aggregates” alang sa gihimong road rehabilitation projects sa mga barangay. Gibutyag niya nga siya mismo ang mi-volunteer nga ipagamit ang iyang gipanag-iyang luna pinaagi sa ihatag nga gratuituous permit.
Nasayran nga mismo ang Provincial Engineer’s Office ang mi-apply sa maong permit kang Governor Yu aron maatiman ang kadalanan sa kabarangayan.
Pagpasabot usab ni Ligan nga walay giingon sa balaod subay sa PMRB Resolution nga kinahanglan mo-coordinate pa sa LGU aron mahatagan og gratuitous permit apan klaro nga gihatagan og otoridad ang gobernador nga mo-issue niini.
Gipaklaro ni Atty. Dexter Conejos sa Provincial Legal Office nga walay otoridad ang LGU sa pagkumpiska o pagdakop sa mga quarry equipment gawas kun duna kini deputation gikan sa Mines and Geoscience Bureau (MGB). Sa pagkatinuod, atol sa maong “attempt” nga pagdakop sa mga ekwipo, usa lamang ka blanko nga seizure receipt ang gibilin sa taga-MGB sa kampo ni Molina.
#VictoryZamboangaDelSur #TinuodNgaSerbisYU
