MIKABAT og 46 ka partisipante nga gikan sa Segundo distrito ang mitambong sa ika unom nga batch sa Special Program for Employment of Students kun SPES Orientation didto sa Zamboanga Motors Supply Building, adlawng Huwebes, Agosto 12, 2021.
Niining higayuna ,gikan sa tulo ka lungsod ang mga misalmot nga mga estudyante: Margosatubig:18 kabuok , Lapuyan: 17 ang mitambong ug 11 gikan sa Vincenzo Sagun.
Gibatbat ni Provincial Public Employment Services Office Officer in-Charge Ronniel Garcines kon unsa ka importante ang ensaktong gawi ilabina nga anaa na sa lugar trabahoan ang mga estudyanteng mipailawom sa maong programa sa Department of Labor & Employment (DOLE). Mihatag usab si Garcines ug sumbanan sa usa ka sulondong empleyado.
Gipasabot usab ni Garcines nga ang katuyuan sa maong programa mao ang paghatag ug ayuda ngadto kanila (SPES Beneficiaries) pinaagi sa pag-empleyo kanila sulod sa kawhaan(20) ka adlaw sa mga opisina sa gobyerno. Ang DOLE maoy motubag sa 40% sa sweldo samtang ang kagamhanang probinsyal maoy moabaga sa 60%. Mosumatotal ang ilang pagadawatong sweldo sa sobra sa dies mil pesos (P10k).
Nawala ang duka sa mga mitambong sa dihang, mipasiugda ug pagpakanta sa mga estudyante si Victoria Yu, ang bugtong anak babaye ni Gov. Victor Yu ug D.S. Congw. Divina C. Yu. Lima ka partisipante nga gikan sa tulo ka lungsod ang mipasundayag sa ilang talento sa pag-awit.
Sa makausab, gisugid ni Maam Victoria ang kaagi sa iyang ginikanan nga naglarawan sa pagpaningkamot nga mahuman sa pagtungha sa dihang anaa pa sila sa kolehiyo: diin ang iyang inahan, Congw. Yu maoy mipailawom sa SPES nga dako kaayo ug natabang sa pagbayad sa tuition fee.
Mitambong usab ang tulo ka opisyal: Bise Mayor sa Vincenzo Sagun, Adriano Balugtod, V. Sagun SB Member Ruf Alfaro ug Punong Barangay sa Luanan, Lapuyan nga si Evelyn Sumbatan. Mipadangat usab sila (mitambong nga opisyales) nga susamang nagdasig sa mga estudyante ug angay nga magpasalamat sila (estudyante) nga napili sila isip SPES Beneficiaries.
Sa panak-op nga bahin sa maong aktibidad midangat si Gov. Yu kinsa mipadayag sa iyang kalipay sa pagpailawom sa mga estudyante sa SPES ug mipahibalo nga miusbaw na ang gidaghanon sa gidawat sa probinsya nga SPES benepesaryo, gikan sa gatusan lamang sa milabayng tuig ngadto duha ka libo na karong tuiga. Lakang kini sa administrasyong Yu nga ma-maximize ang pagtabang sa kabataan. Nagtimaan kini nga mas gitutukan karon ang ayuda alang sa mga kabataan.
#VictoryZamboangaDelSur #TinuodNgaSerbisYU
