EXTENDED kun gilugwayan ang General Community Quarantine with heightened restrictions sa tibuok Zamboanga del Sur hangtod Agosto 31 ning tuiga sumala sa gipagawas nga bag-ong Executive Order no. 2021-24 ni Gov. Victor J. Yu adlawng Lunes, Agosto 16.
Subay sa bag-ong EO, subling ipatuman sa probinsya ang total liquor ban gikan alas-6 sa gabie hangtod alas-6 sa buntag lakip na ang pagsirado pagbalik sa mga beaches ug resorts.
Kini ang nakab-ot nga desisyon sa Provincial Inter-Agency Task Force aron mapugngan ang mga panagtapok nga posibleng mahimong COVID ‘spreader’ ilabina karon nga aduna nay natalang delta variant sa lalawigan ug misaka pagbalik ang kaso sa peligrosong virus.
Ilawom sa maong EO, gitugotan lamang nga mag-operate ang mga food preparation establishment (20% capacity alang sa indoor dine-in ug 50% capacity alang sa outdoor dine-in) ug mga personal care services sama sa beauty salon, barbershop, beauty parlor ug nail spa (30% capacity). Gitugotan usab ang mga relihiyosong panagtigum sa 30 porsyento nga venue capacity.
Samtang WALA GITUGOTAN nga mag-operate ang mga musunod nga establisyemento: mga entertainment venues sama sa bars, clubs, videoke, karaoke bars; mga recreational venues sama sa internet cafe, billiard halls, ug arcades; amusement parks ug kid amusement industries; casino, sabong, ug lottery gawas sa mga gitugotan sa IATF; indoor sports venues, fitness studios, gyms; massage therapy ug tattoing services; mga venue sa meeting, conference ug exhibition lakip na ang mga libraries, museums, galleries ug cultural exhibits.
Magpadayon usab ang implementasyon sa curfew sa tibuok probinsya. Alang sa mga lungsod, nakatakda kini gikan alas-9 sa gabie hangtod alas-4 sa kadlawon samtang alas-10 sa gabie taman alas-4 sa kadlawon alang sa siyudad sa Pagadian. Pagpaklaro sa kamanduan, walay labot sa curfew ang mga trabahante, cargo vehicles, pampublikong transportasyon, ug uban pang essential establishments. // (ZDS-PPB)
#ZamboangaDelSur #VictoryZamboangaDelSur
