MOKABAT sa singkwenta (50) ka mga SPES beneficiaries gikan sa lungsod sa Aurora ang mipailawom sa orientation adlawng Huwebes, Agosto 19.
Atol sa maong panagtigum, gipasabot ngadto sa mga benepisyaryo ang mga angayan timan-an aron mahimong epektibo sa pagpanarbaho ingon nga gihatagan sila og kahigayonan nga mosinati sa pagpangempleyo sulod sa 20 ka adlaw.
Si Governor Victor Yu midasig sa mga estudyante nga padayong i-develop ang ilang kaugalingon pinaagi sa paghatag importansya sa ilang mga nakat-onan sa orientation ug labaw sa tanan ang pagsalmot sa mga kalihokan sa komunidad alang sa ilang personality development.
Mipadayag usab si Cong. Divina Grace Yu sa iyang mga kasinatian isip usa ka ‘SPES baby’ diin maoy usa sa mga nakatabang kaniya aron molampos sa pag-eskwela.
Gihisgutan usab sa kongresista ang mga bulawanong pulong ug kasinatian sa mga giilang lider sa kalibutan sama nila South African President Nelson Mandela ug kanhi Singapore Prime Minister Lee Kuan Yew nga parehong nabantog sa ilang mga prinsipyo labot sa importansya sa edukasyon sa kabataan.
Pag-awhag ni Cong. Yu nga dili sayangon ang oportunidad nga gigahin sa gobyerno alang kanila kondili gamiton kini aron sa pagpalambo sa ilang kaugalingon ug labaw sa tanan pagkab-ot sa ilang mga damgo sa kinabuhi.
Ang Special Program for Employment of Students (SPES) usa ka partnership project sa Department of Labor and Employment (DOLE) ug provincial government aron mahatagan og temporaryong trabaho ug tukmang sweldo ang mga student beneficiaries ug mapadayon ang ilang pag-eskwela.
Pagbutyag ni Cong. Yu, mokabat na sa kapin 2,000 ang mga SPES beneficiaries sa tibuok lalawigan nga modawat og kapin P10k human sa ilang pagtrabaho sa gitakdang adlaw.
#ZamboangaDelSur #VictoryZamboangaDelSur #TinuodNgaSerbisYu
