MIKABAT og 36 ka mga indibidwal ang misalmot sa ika-5 nga libreng “Mobile Journalism Seminar & Carreer Guidance for Job Seekers karong adlawa, Agosto 5,2021 nga gipahigayon sa Executive Function Hall, Provincial Capitol Compound, Pagadian City.
Milungtad ug lima (5) ka oras ang maong seminar nga gipasiugdahan sa Provincial Press Bureau.
Sama sa milabayng upat ka batch sa nasangpit nga seminar, gituki sa tulo ka mga speakers: Assistant Information Officer Marlon Pañares, John Momongan ug Ameliano Himang ang mga topiko kalabot sa basic newswriting, social media ethics, mobile Journalism & photography tips, Data Privacy Law, Cyber Law ug proper job seeking techniques.
Mihatag usab ug mensahe si Provincial Information Officer Jeesrel Himang kinsa mipaabot sa mensahe ni Gov. Victor Yu kalabot sa mga proyekto nga kasamtangan gipatuman sa mga kalungsuran.
Nasayran nga gipaluyuhan ni Gov. Yu ug D.S. Congw. Divina Grace Yu ang nasangpit nga seminar.
Ang maong seminar gipahigayon matag adlawng Huwebes sa Executive Function Hall sa may 8:00 ang takna hangtud als 2:00 sa hapon.
Makaplagan ang google form sa Victory Zamboanga Del Sur FB page alang sa mga buot mosalmot sa maong seminar nga dili lamang libre ang snacks ug paniudto, aduna pa gyuy “certificate of participation” nga madawat ang tanang mosalmot niini.
#ZamboangaDelSur #TinuodNgaSerbisYu #VictoryZamboangaDelSur
