Pormal ng gibuksan ang Negosyo Center sa lungsod sa Tambulig karung adlawa September 1, 2021 nga nahimutang sa Brgy. Happy Valley, tapad sa old Community Police Assistance Center (COMPAC).
Gihimo kini pinaagi sa hamubo nga programa ug gitambungan kini sa mga personahe gikan DTI lakip na nila ni Regional Director, DTI IX Engr. AI- Zamir I. Lipae, Provincial Director,DTI-ZDN/NC Regional Account Officer Dir. Maridel D. Dengal, Provincial Director, DTI-ZDS Dir. Flora G. Miraflor, Municipal Administrator Gilbert Colegado, Jr., MEDO personel ug uban pa.
Gipaningkamutan kini sa DTI inubanan sa suporta sa local officials nga gipangulohan sa atong batan-on nga Inahan sa Lungsod, Mayor Charlotte D. Panal, arun makatabang sa mga katawhan sa Tambulig ilabina katong dunay produkto na pwede mabaligya sa Negosyo Center.
Nagpahibalo usab ang DTI nga mohimo sila ug Seminar and Training kabahin sa Negosyo ug pwede usab skills training mahitungod sa paghimo ug pagpalambo sa negosyo agig pagtabang sa tagsa-tagsa ka Tambulignon nga gustong mas ma-bansay sa matang sa negosyo ug pag paila sa atong mga Local na produkto.
Alang sa dugang kasayuran sa ilang mga programa bisitaha lang ang ilang opisina ug duola ang ma abi-abihun nga staff.
#VictoryZamboangaDelSur #TinuodNgaSerbisYU #TeamYU
