ATOL sa 69th Anniversary sa Araw ng Zamboanga Del Sur gipahigayon sa Maguindanao Hall, Dao, Pagadian City, Zamboanga Del Sur ang usa ka Pagkan Heritage Cooking Contest nga gipanguluhan ni Governor Victor J. Yu kauban ang Provincial Tourism Officer Maria Jihan Bana karong adlawa Septyembre 2, 2021.
Gumikan sa gisagubang nga pandemya gi-kategorya kining Heritage Cooking Contest aron sa paglikay sa maong Covid-19. Gituman gayud ang mga protocols sama sa social distancing ug uban pa.
Gihatagan kini og tulo (3) ka adlaw alang sa unang kategorya mao ang Subanen, ikaduha Moro ug ang kinalasan mao ang Local Settlers.
Adunay upat (4) ka mga partisipante ang nakaabot sa maong Contest. Kini mao ang Dumingag, Bayog, Lakewood ug Lapuyan.
Sa pakighinabi ngadto kay Lapuyan Tourism Officer nga si Francis Duhaylungsod masigarbuhon gayud nga mapresentar nila ang Subanen nga pagkaon sa pinaagi niining Pagkan Heritage Cooking alang sa Subanen tribe. Nanghinaot usab siya nga dili lang dinhi taman nga maipa-ambit kining especial nga mga pagkaon sa ilahang tribo.
Nagpasalamat usab ang ubang grubo nga nahatagan sila’g higayon nga mapa-ambit usab ang ilahang Subanen Recipe.
Kasamtangan nga ipadayon gihapon kining Programaha sa ikaduhang kategorya nga mao ang especial nga pagkaon sa Moro kaniadto.
Malampuson kining nahuman ang Pagkan Heritage Cooking alang sa Subanen nga kategorya.
#VictoryZamboangaDelSur
