GIPASABOT ni DR. ANATALIO CAGAMPANG Jr. ang Chief of Hospital sa Zamboanga Del Sur Medical Center ang may kalabutan sa Shortage sa Oxygen sa maong hospital. Matud niini nga dili tungod walay ikapalit ang Probinsya apan demand ang supply sa mga oxygen sa nagkanda-iyang hospital, dugang niini nga daghang tangke ang magamit apan kulang kaayu ang supply sa tibuok Mindanao.
Gibutyag ni Dr, Cagampang nga kon mibungat lang ang buhatan sa Department of Health nga nahimong abnormal ang surge sa COVID atong bulan sa Agusto possible nga mapangitaan ug pamaagi aron maka stock ug daghang supply sa oxygen.
Hisayran nga sa panahon nga midaghan ang pasyente nga naigo sa makamatay nga Virus nangita ug pama-agi ang hospital pina-agi sa pag cash advanced aron mupalit sa oxygen, ug anaa usay tangke na daan ang pasyente aron marefilan, apan luyo ninini gipasabot usab sa maong Doctor nga lisod para kanila tungod nagkantidad sa 7,500 ang usa ka tangke nga e-deposit ug mukabat sa 800 ka pesos para sa refill, ug bug-at para kanila nga sa panahon nga mu-refill sila kinahanglan pa nga magdala ug tanke aron lang ma-kwaan gamay ang kantidad nga 7,500.
Giklaro sa Chief of Hospital nga tungod sa maong kakulangon, mi-donate ug 300 ka mga oxygen tanks si Governor Victor J. Yu kon asa dako ang natabang niini sa Hospital ilabina sa mga pasyente aron dili lisod kanila ang mahatagan ug Oxygen. Dako usab ang pasalamat ni Dr. Anatalio Cagampang Jr. sa Office of the Civil Defense (OCD)ug sa DOH didto sa syudad sa Zamboanga City kon asa sila naka-parefill sa mga oxygen tanks, kon asa ang pagrefill lang ang gibayaran ug gibagu na sa DOH Zamboanga ang transportasyon niini. Sa katapusan nagpasalamat usab ang Hospital sa Gobernador sa kanunay nga pagsuporta niini sa mga ahensya nga nagkinahanglan sa tabang sa Gobyerno.
#VictoryZamboangaDelSur #WeHealAsOne
